Aukið yfirlit yfir skráningar nemenda í mat
Timian matarskráning býður upp á virkni sem sendir vikulega skráningarlista til umsjónarkennara bekkja skólans. Listarnir eru sendir í upphafi hverrar viku á tölvupóstformi til þess aðila sem skráður er umsjónaraðili hvers bekkjar. Þessi virkni veitir kennurum og starfsfólki skólans góða yfirsýn yfir matarskráningar nemenda sinna í hverri viku.
Undir Stillingar - Deildir má finna bekki eða deildir skólans. Með því að velja ákveðinn bekk opnast deildarspjald þar sem finna má reit sem hefur yfirheitið Ábyrgðaraðili. Þar er hægt að fletta uppi nafni þess notanda sem á að taka á móti vikulegum skráningarlistum, og með því að smella á Geyma neðst á deildarspjaldinu hefur ábyrgðaraðilinn verið vistaður.
Til þess að hægt sé að velja ábyrgðaraðila þarf þó að athuga að aðilinn þarf fyrst að vera stofnaður sem notandi í Timian, og jafnframt þarf tölvupóstfang hans að vera skráð í notandaspjaldinu.
