Notendaleiðbeiningar fyrir matarskráningu
Timian býður upp á nýjan og aðgengilegan möguleika á matarskráningu fyrir mötuneyti þar sem hægt er að skrá sig, eða aðra, í mataráskrift. Lausnin gefur neytendum skýra yfirsýn á næringareiginleikum og ofnæmisvalda máltíða, auk þess sem hún stuðlar að minni matarsóun. Hér að neðan má finna notendaleiðbeiningar fyrir matarskráningarferlið í heild sinni.
- Á heimasíðu fyrirtækis/skóla má finna hlekk sem vísar inn á skráningarsíðu Timian.
- Þar er hægt að sjá skipulagðan matseðil fyrir næstu vikur/mánuði, ásamt næringargildum máltíða hvers dags. Til þess að skoða næringargildi máltíðar þarf að smella á valinn dag. Ef smellt er á litlu hringina er hægt að velja ákveðna hluta máltíðarinnar og þá reiknast næringargildin miðað við það sem valið er.
- Til þess að skrá í mataráskrift er smellt á hnappinn Innskrá sem staðsettur er ofarlega á skjámyndinni. Innskráning fer fram með rafrænum skilríkjum.
- Í stikunni efst á skjámyndinni er hægt að velja þann aðila sem skrá á í mat. Ef um aðeins einn mögulegan aðila er að ræða er sá sjálfvalinn.
- Valmyndin fyrir neðan sýnir matseðil fyrir tímabilið sem í boði er, og þar er einnig hægt að skoða næringargildi máltíða fyrir hvern dag.
- Í upphafi eru engir dagar valdir, en fyrir ofan valmyndina er reitur sem býður upp á að velja alla daga tímabilsins með einum smell.
- Haka skal síðan í reitina fyrir þá daga sem skrá á í mataráskrift.
- Þegar búið er að velja alla þá daga sem skrá á í mataráskrift þarf að smella á Vista neðst á skjámyndinni, og þar með hafa allar skráningarupplýsingar verið vistaðar í kerfið og munu forsvarsmenn mötuneytisins sjá skráningarnar.
Hér að neðan má sjá stutt kennslumyndband sem sýnir skráningarferlið.