Hvernig á að búa til samsettan matseðil í Timian?
Undir Eldhús - Matseðlar má finna safn þeirra matseðla sem í boði eru.
Til þess að búa til nýjan matseðil þarf að smella á Nýr matseðill.
Fyrsta skrefið er að gefa matseðlinum lýsandi heiti og flokkun. Flokkunin er einungis hugsuð til þess að auðvelda leit að matseðlum seinna meir, og getur verið fiskréttur/grænmetisréttur eða jafnvel deildarheiti á borð við deild A/deild B og svo framvegis.
Næsta skref er að velja uppskriftir sem eiga að vera á matseðlinum, en matseðlinum er skipt upp eftir matmálstímum.
Ef smellt er á Hádegi birtist reitur þar sem hægt er að gefa máltíðinni yfirheiti/titil. Þessi titill mun síðan vera sjáanlegur á opnum matseðli ef kosið er að birta hann.
Næsta skref er að velja inn uppskriftir sem eiga að vera á matseðlinum.
Hægt er að hafa fleiri en eina máltíð á hverjum matseðli, líkt og sýnt er á myndinni hér að neðan. Þetta getur verið hentugt fyrir eldhús sem bjóða upp á fleiri en eina tegund fæðu.
Þegar búið er að velja uppskriftir á viðeigandi tímasetningar má smella á hnappinn Geyma neðst á síðunni, og þá hefur dagsmatseðill verið búinn til.