Beiðnahluti Timian gerir notendum kleift að senda inn beiðnir innanhúss
Inni í beiðnahluta Timian er hægt útbúa beiðni með því að smella á Ný beiðni í hliðarstikunni.
Þar birtist það vöruúrval sem hægt er að velja úr, en bæði er hægt að leita eftir vörunafni eða fletta í gegnum vörulistann. Til þess að setja vöru í beiðnakörfu er vörunni flett upp, og magn beiðnavöru er sett í hvíta reitinn hægra megin við vöruna.
Í hægra horni skjámyndarinnar má sjá beiðnakörfuna, en hún sýnir þær vörur sem búið er að velja fyrir beiðnina. Hægt er að sjá magn hverrar vöru og einnig er hægt að eyða vörum úr körfunni með því að smella á rauða táknið sem staðsett er fyrir framan hverja vörulínu.
Þegar búið er að velja allar þær vörur sem eiga að fara í beiðnina er hægt að smella á Halda áfram fyrir næsta skref í beiðnaferlinu, en einnig er hægt að smella á Geyma til þess að vista beiðnakörfuna. Gott getur verið að vista beiðnakörfu ef oft er verið að leggja sömu beiðnina inn, en með því móti er hægt að velja körfuna sem flýtileið og þannig þarf ekki að týna í körfuna frá grunni í hvert skipti.
Eftir að búið er að smella á Halda áfram þarf að fylla út upplýsingar sem varða afhendingu beiðnarinnar. Skrá þarf afhendingarstað og tíma, ásamt deild kostnaðarfærslu. Gott er að gefa beiðninni lýsandi heiti, en það getur auðveldað yfirsýn í beiðnayfirlitinu.
Lokaskrefið er að smella á hnappinn Klára, en við það sendist beiðnin áfram til ábyrgðaraðila og til verður innkaupaþörf í kerfinu sem innkaupaaðili kerfisins getur fylgst með.
Í hliðarstikunni má finna Beiðnayfirlit og þar má sjá yfirlit yfir allar þær beiðnir sem tengjast deildum notandans, ásamt stöðu beiðnanna.